ब्लिन्केन अमेरिकी विदेशमन्त्री जुइगु

एजेन्सी – एन्टोनी ब्लिन्केन अमेरिकाया न्हूम्ह विदेशमन्त्री जुइगु जूगु दु। नकतिनि राष्ट्रपति निर्वाचित जूम्ह डेमोक्रेटिक उम्मेदवार जो बाइडेनं विदेशमन्त्रीइ ब्लिन्केनयात नियुक्त यायेत्यंगु खः । वय्कः वइगु जनवरी २० य् वाइडेनं राष्ट्रपतिया सपथ ग्रहण यानादीवं विदेशमन्त्री नियुक्त जुयादी । ब्लिन्केनं आःया राष्ट्रपति डोनाल्ड ट्रम्पं यक्व देय् लिसे स्यंकाथकूगु स्वापूयात भिंकेगु निंतिं कुतः याइगु जुइ । ब्लिन्केन न्हापा उप-विदेशमन्त्री जुयादीधुंकूम्ह खःसा ओबामाया पालय् राष्ट्रिय सुरक्षा सल्लाहकार नं जुयादीधुंकूम्ह खः । बिल क्लिन्टन राष्ट्रपति जुयाच्वंगु इलय् वय्कलं विदेश मन्त्रालयय् थःगु सरकारी सेवा सुरु यानादीगु खः ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन