समाजसेवी संगीता श्रेष्ठ मन्त

येँ- समाजसेवी, नेपालभाषा कार्यकर्ता संगीता श्रेष्ठ मन्त । थौं सुथय् नेशनल अस्पताल कलंकी वासः याकुयाकुं वय्कः मदुगु खः । श्रेष्ठं येँ महानगरपालिका तत्कालिन वडा २८ या पुलांम्ह अध्यक्ष सुभानकुमार श्रेष्ठया जहान खः ।

मदुम्ह श्रेष्ठ छुं ई न्ह्यवनिसें ब्रेन ह्यामरेज जुयाः वासः याका वयाच्वंम्ह खः । आकाझाकां ब्रेन ह्यामरेज जुयाः कलंकीया नेशनल अस्पतालय् वासः याकूगु खःसा भचा क्वचालयेवं वय्कःयात छेँय् हे हयाः वासः याकातःगु खः । थ्व हे झ्वलय् वंगु मंगलवाः किजापुजा कुन्हु हाकनं तच्वः जुयावःगुलिं अस्पताल यंकूगु खःसा वय्कः अन हे मदुगु खः ।

वय्कःया अन्त्येष्ट थौं हे पशुपति आर्यघाटय् याइगु खँ धाःगु दु । वय्कःया जहान व म्ह्याय् छम्ह दी ।