म्यानमारय् सु-कीया पार्टीयात बहुमत

एजेन्सी – म्यानमारय् हाकनं छक्वः नेतृ आङ साङ सुचीया हे पार्टी नेशनल लीग फर डेमोक्रेसीं सरकार दयेकीगु जूगु दु । म्यानमारय् सरकार दये केगु निंतिं ३२२ सिट आवश्यक जुइसा आः जूगु चुनावय् सुकीया पार्टीं म्हिगः तक ३४६ सिट त्याकेधुंकूगु दु ।

मतगणनाया सुरुइ हे वःगु लिच्वःयात स्वयाः पार्टीया सर्वोच्च नेता सुकिं छन्हु न्ह्यव हे पार्टीं बहुमत हइगु घोषणा यानादीगु खः । म्यानमारय् वंगु आइतवाः मतदान जूगु खःसा थुकिया आधिकारिक अन्तिम लिच्वः धाःसा आःतक बिउगु मदुनि । थन ५० गुलिं मल्याक थाय्या मतगणना अझं जुयाच्वंगु खँ धाःगु दु ।

मेखे सेना समर्थित विपक्षी पार्टीं चुनावय् सरकारं व्यापक धाँधली याःगु द्वपं बियाच्वंगु दु, तर उकियात प्रमाणित याइगु छुं प्रमाण धाःसा बिइ फयाच्वंगु मदु । विपक्षी पार्टी एनएलडीं थ्व लिच्वःयात स्वीकार यायेफइमखु धासें हाकनं चुनावया माग यानाच्वंगु दु । थुगुसी म्यानमारया चुनाव रोहिंग्या मुस्मांतय् संकटयात कयाः नं चर्चाय् वःगु खः । थ्व मुद्दायात कयाः विश्वन्यंकं हे म्यानमार सरकारया आलो चना जूगु खःसां आःया चुनावया लिच्वः कथं धाःसा म्यानमारया जनतां सरकारया समर्थन हे याःगु खनेदुगु दु ।