फाया नुगः प्रत्यारोपण याःम्ह बेनेट मंत

एजेन्सी- फाया नुगचु प्रत्यारोपण याःम्ह विश्वया न्हापांम्ह मनू सीगु दु । निला न्ह्यः फाया नुगःचु तःम्ह अमेरिकी नागरिक डेभिड बेनेट मंगलवाः अमेरिकाया मेरिल्याण्डय् च्वंगु युनिभर्सिटी अफ मेरिल्याण्ड मेडिकल सेन्टरय् मदुुगु खः । निलाः न्ह्यः जनवरी ७ तारिखय् थ्व हे अस्पतालय् बनेटयात फाया नुग प्रत्यारोपण याःगु खः । अस्पतालं मार्च ८ तारिखय् बेनेट सीगु जानकारी बिउगु खः ।

बेनेटयात फाया नुगचु तयेत शल्यक्रिया याःम्ह सर्जन डा. बार्टली ग्रिफिं बनेट छम्ह साहसी व महान बिरामी जूगु व जीवनया अन्त तक ल्वानाच्वंगु धाःगु दु । बेनेटया काय् बेनेट जुनियरं थः अबुं चिकित्सा क्षेत्रय् न्हूगु खोज यायेत ग्वाहालि याःगु धाःगु दु । बेनेट जुनियरं शल्यक्रियायात जादूया संज्ञा बिसें धाःगु दु, ‘जितः आशा दु, थ्व न्हूगु आशाया शुरुवात खः, अन्त मखु ।’

सम्बन्धित बुखँ

LEAVE YOUR COMMENTS