कलंकी ट्रक ल्वानाः स्वम्ह सित

येँ (नेपालभाषा टाइम्स) – येँया कलंकीइ दिकातःगु ट्रकय् मेगु ट्रकं ठक्कर नकेवं स्वम्ह सीगु दु । कलंकी च्वंगु मकालु पेट्रोल पम्प न्ह्यःने पार्किब यानातःगु बा ३ ख ७५३० नम्बरया ट्रकयात बल्खुं सितापाईलापाखे वनाच्वंगु बा ५ ख ८८६५ नम्बरया खा ल्ह्यइगु ट्रकं ठक्कर बीवं उगु गाडी च्वनावःपिं स्वम्ह सीगु खःसा छम्ह घाःपाः जूगु खः । महानगरीय प्रहरी वृत्त कालिमाटीया कथं दुर्घटनाय् लानाः नुवाकोट रोशन तामाङ, माधव घिमिरे व भुवेन्द्र तामाङ मदुगु खः । उगु दुर्घटनाय् लानाः नुवाकोटया हे विजय तामाब घाःपाः जूगु खः । घाःपाः जूम्ह तामाङया कलंकी च्वंगु सहिद स्मृति अस्पतालय् वासः याकातःगु दु । प्रहरीं निगलं ट्रकया चालकपिंत नियन्त्रणय् कयाः अनुसन्धान न्ह्याकूगु दु ।