सिडिओ तयातःगु खँय् सर्वोच्चया कारण देखाउ आदेश
येँ (नेपालभाषा टाइम्स) – सरकारं आःतकं प्रमुख जिल्ला अधिकारी (सिडिओ)पाखें हे प्रशासन संचालन यानाच्वंगुयात कयाः सर्वोच्च अदालतं कारण देखाउ आदेश जारी याःगु दु । नेपाःया न्हूगु संविधानय् सिडिओया परिकल्पना हे यानातःगु मदु, अथे खःसां सरकारं आःतकं नं देय्न्यंकं प्रशासन चले यायेगु ज्या सिडिओ मार्फत हे यानाच्वंगु दु । थुकियात कयाः अधिवक्ता रुद्र शर्मां संवैधानिक व्यवस्था कथं देय्न्यंकं सिडिओ चिइकेमाः धकाः माग यासें तःगु रिटय् म्हिगः सर्वोच्च न्यायाधीश प्रकाशमान सिंह राउतया एकल इजलासं सरकारया नामय् कारण देखाउ आदेश जारी याःगु खः । अदालतं सिडिओ कार्यालय खारेज यायेमाःगु छुं आधार व कारण दुसा झिंन्यान्हु दुनेपेश यायेत सरकारया नामय् आदेश बिउगु खः ।
LEAVE YOUR COMMENTS