छुं नं हालतय् पार्टी तज्याइ मखु : मन्त्री श्रेष्ठ

येँ (नेपालभाषा टाइम्स) – नकतिनि शहरी विकास मन्त्री जुयादीम्ह कृष्णगोपाल श्रेष्ठं नेकपा छुं नं हालतय् कुचा जुइमखु धयादीगु दु । नेकपा बल्खु टेकुसी परिवारं म्हिगः याःगु छगू ज्याझ्वलय् न्ववासें मन्त्री श्रेष्ठं वामपन्थी आन्दोलनया ताःहाकःगु इतिहास ज्वनावःगु निगू वामपन्थी शक्तिया एकतां दयेकूगु पार्टी आः वयाच्वंगु समस्याया कारणं तज्याइमखु, शीर्ष नेतातय्सं छुं नं छुं समाधान पिकाइगु विश्वास प्पवंकादीगु खः । वय्कलं राजनीतिक स्थायीत्व कायम यानाः देशय् सुशासन व समृद्धि प्राप्त यायेमाःगु इलय् सुयागुं चाहनां पार्टी कुचादइमखु धयादीगु खः ।