सिकाली जात्रा म्हिगः निसें विधिवत रुपं न्ह्यात

येँ (नेपालभाषा टाइम्स) – म्हिगः निसें औपचारिक रुपं यलया सिकाली जात्रा न्ह्याःगु दु। वंगु नलास्वने चःह्रे निसें जात्रा न्ह्याइगु खःसां नं विधिवत्रु पं म्हिगः निसें जात्रा न्ह्याःगु खः । म्हिगः रुद्रायणी स्कुल न्ह्यःने मेय् बलि बियाः जात्रा न्ह्याकूगु खः । नलास्वने चःह्रेया कन्हय् कुन्हु निसें निन्हु तक कुमारपिसं गां चाःहिला पुजायात माःगु सामान मुंकेगु ज्या याःगु खः । पुजा सामान मुंकेत गां चाःहिलीपिंसं छछाः जक नयेमाःगु परम्परा दु। सिकाली द्यः प्याखं हुलिगु जात्रा धाःसा षष्टी कुन्हु निसें न्ह्याइ । प्याखं हुलेगु निंतिं झिंखुम्ह द्यःपिं दइसा बाजं धाइपिं सुइम्ह दइ । कोरोना भाइरस संक्रमणया कारणं थुगुसीया जात्राया झ्वलय् सुरक्षा मापदण्ड लागू यानाः जक जात्रा याइगु जूगु दु ।