निःशुल्क इन्टरनेट आः सशुल्क

येँ (नेपालभाषा टाइम्स) – नेपाल दूरसंचार प्राधिकरणं निःशुल्क रुपय् वितरण याना वयाच्वंगु इन्टरनेटय् आवंलि शुल्क लगे जुइगु जूगु दु । प्राधिकरणं २०७२ सालया तःभुखाचं प्रभावित ११ गू जिल्लाय् निःशुल्क वितरण यानातःगु इन्टरनेटय् आवंलि शुल्क यायेत्यंगु खः । प्राधिकरणं इन्टरनेटया सेवा मथ्यंगु स्थानीय निकायय् निदँया निंतिं धकाः निःशुल्क इन्टरनेट वितरण याःगु खः । उकिया निंतिं लगे जुइगु ध्यबा ग्रामिण दूरसंचार विकास कोष ध्यबा परिचालन याःगु खः । २०७६ साल चैतय् इन्टरनेटया अवधि सिधःगु खःसां कोरोना संक्रमणया कारणं निरन्तरता बिया वयाच्वंगु खः ।