
बजारय् खाद्य वस्तुइ मिसावट यानातइगु समाचार झीसं यक्व हे न्यनातयागु खः । दैनिक उपभोग्य ज्वलंनिसें कयाः मरिचरि, सिसाबुसा, प्याकेट यानातःगु नसाज्वलनय् अखाद्य पदार्थ तयातःगु धइगु समाचार ला झीसं यक्व हे न्यनातयागु खः । नसाज्वलंलिसें पेय पदार्थ, टिन वा प्याकेट यानातइगुलिं सं, आल्पिन, नकिं, पुसा, कीकाय् लुया वइगु समाचार बरोबर वयेगु याः ।
हालसय् स्ट्रबेरी दुने मुलु लुया वःगु समाचार वयेवं मनूत थारान्हूगु दु । तर थ्व घटना धाःसा नेपाःया मखसे अस्टे«लियाया खः । थनया थीथी राज्यय् मियातःगु स्ट्रबेरी दुने मुलु लुया वयेवं थुकिया पारखी व उपभोक्तात थारा न्हूगु दु । हालय् जक अस्टे«लियाया खुगू राज्यय् मीत तयातःगु स्ट्रबेरी दुने मुलु लुया वःगु खः ।
स्ट्रबेरी थेंज्याःगु फल दुने मुलु लुया वःगु घटना लिपा अनया छम्ह मन्त्रीं थुकियात ‘जघन्य अपराध’या संज्ञा बिउगु दु । अस्टे«लियाय् स्ट्रबेरी दुने मुलु लुया वःगु घटना लिपा न्युजिल्याडय् थुकिया विक्रेतातय्सं स्ट्रबेरी मीगु हे बन्द याना बिउगु दु । अस्टे«लियाय् स्ट्रबेरी नःगु इलय् उकिया नापं मुलु नं घुर्का छ्वःम्ह छम्ह मनूयात तत्काल अस्पताल यंकेगु थुगु घटना चर्चाय् वःगु खः ।
अनया स्वास्थ्यमन्त्री ग्र््याग हन्टं खाद्य अधिकारीतय्त तत्काल उगु घटनाया अनुसन्धान यायेत निर्देशन बिसें दोषी वा शंकास्पद व्यक्तियात ज्वनेत आदेश बिउगु दुसां आतक छम्हेसित नं थ्व मामिलाय् ज्वने फुगु धाःसा मदु । अस्टे«लियाया क्वीन्सल्याण्ड, तस्मानिया, दक्षिण अस्ट्रेलिया, न्यू साउथ वेल्स, भिक्टोरिया लगायतया थासय् मीत तयातःगु स्ट्रेबरीइ मुलु लुया वःगु खः ।
LEAVE YOUR COMMENTS