सानुराजा शाक्य लुम्बिनी विकास कोषया सदस्य सचिव नियुक्त

येँ (नेपालभाषा टाइम्स) – नेपालभाषा कार्यकर्ता व नेपालभाषा टाइम्सया ग्वाहालिमि, स्तम्भकार सानुराजा शाक्य लुम्बिनी विकास कोषया सदस्य सचिव नियुक्त जूगु दु । बिहीवाः च्वंगु मन्त्रिपरिषद्या बैठकं भाजु शाक्ययात सदस्य सचिव नियुक्त याःगु खः ।

लुम्बिनीइ दयेकूगु राजकीय थाइ विहार दयेकेगु ज्याय् ताःई तक लुम्बिनी च्वनाः ज्या यानादीधुंकूम्ह वय्कः लुम्बिनी गुरु योजनाबारे बांलाक जानकारी दुम्ह खः । वय्कःया दाजु केशवमान शाक्य नं लुम्बिनी विकास कोषया उपाध्यक्ष जुयादीधुंकूगु दु । अथेहे वय्कःया तःधिकःम्ह दाजु थाइल्याण्डय् राजकीय सम्मान प्राप्त भिक्षु खः ।