लेखा समितिइ राष्ट्रपतिया गाडी

येँ- राष्ट्रपति विद्यादेवी भण्डारीयात विलासी गाडी न्यायेगु लागिं सरकारं १८ करोड तका निकासी यात धकाः पिहां वःगु चर्चाया बारे संसदया सार्वजनिक लेखा समितिं छानबिन याइगु जूगु दु । लिसें राष्ट्रपतियात डिस्टर्ब जुल धइगु त्वहचिनाः महाराजगंजया प्रहरी तालिम केन्द्रयात अनं चीकाः मेथाय् छ्वयेगु धकाः मन्त्रिपरिषदं याःगु निर्णयया बारे नं लेखा समितिं छानबिन यायेगु खँ धाःगु दु ।

लेखा समितिया सभापति भरत कुमार शाहं सार्वजनिक चिउताःया विषय जूगु कारणं लेखा समितिं थुकिं ध्यान तयाः छानबिन यायेत्यनागु खँ सञ्चारमाध्यमतय्त कनादिल ।

लिसें समितिं उपराष्ट्रपतिया ज्याकू दयेकेगु लागिं लैनचौरय् च्वंगु समाज कल्याण्ड परिषद्या भवन अनं मेथाय् चीकेगु धकाः सरकारं याःगु निर्णयया बारे नं छानबिन याइगु खँ धाःगु दु ।

थ्वहे झ्वलय् लेखा समितिया बैठकय् २०५७ सालय् तत्कालिन जुजु वीरेन्द्रया चाहना कथं थिकेगु विमान न्यायेगु धकाः निर्णय जूबलय् लेखा समितिं हे उकियात पनेगु ज्या याःगु खः । आः राष्ट्रपतिया चाहना बारे धाःसा छु याइ धकाः अबलेया जानिफकारतय्सं न्ह्यसः तयाच्वंगु दु ।

सम्बन्धित बुखँ

LEAVE YOUR COMMENTS