स्वंगू करोडया म्याद फुगु सामान बरामद

येँ – प्रहरीं ये महानगरपालिका ४ चण्डोलस्थित जोडियाक मार्के टिब डिस्ट्रिब्यूटर्सय् मंगलवाः छापा मारे याःगु दु। महानगरीय प्रहरी परिसरया पुचलं छापा मारे याःगु जोडियाक मार्के टिबय् स्वंगू करोड बराबरया म्याद फुगु खाद्य वस्तु बरामद याःगु दु। म्याद फुगु सामानयात हानं न्हूगु मिति प्रिन्ट यानाः बजारय् छ्वयेत तयारी अवस्थाय् तयातःगु इलय् प्रहरीं छापा मारे याःगु खः । छापा लिपा प्रहरीं उगु डिस्ट्रिब्यूटर्सया संचालक सहित स्वम्हेसित ज्वंगु दु। प्रहरीं डिस्ट्रिब्यूटर्सया संचालक जितेन्द्रकुमार लोहिया, लेखापाल मुकेश रौनियार व स्टोरकिपर अनिल मगरयात ज्वंगु खः ।