डाक्टरतय् शुल्क थहां वन
येँ (नेपालभाषा टाइम्सं)- विरामी चेकअप याइबलय् डाक्टरतय्सं काइगु परामर्श शुल्क म्हिगःनिसें थहां वंगु दु । नेपाल चिकित्सक संघ व एशोसियसन अफ प्राइभेट हेल्थ इन्ष्टिच्यूसन नेपाल (अफिनं) म्हिगः निसें लागु जुइकथं परामर्श शुल्कय् १४ प्रतिशत भाः थकाःगु खः ।
अफिनया महासचिव डा. सञ्जीव तिवारीया कथं आः डाक्टरतय् शुल्क ४२०।– तका निसें ९४०।– तका तक थ्यंगु दु । न्हूगु लागु जूगु शुल्क कथं न्यादँ स्वयां म्हो अनुभव दुपिं एमबीबीए व बिडिएस तहया डाक्टरतय्सं ४२० तका, न्यादँया अनुभव दुपिंसं ५१५।–तका । न्यादँ अनुभव दुपिं डिप्लोमा तहया डाक्टरं ५९०।–तका व व स्वयां अप्वः अनुभव दुपिंसं ६७०।–तका, न्यादँया अनुभव दुपिं एमडी, एमएस, एमडीएस तहया डाक्टरतय्सं ७५०।– तका, न्यादँ स्वयां अप्वः अनुभव दुपिंसं ८००।–तका, डिएम÷एमसीएच डाक्टरं न्यादँ अनुभव मदुपिंसं ८८०।– तका झिदँया अनुभव दुपिंसं ९४०।– तका शुल्क काये दइ ।
LEAVE YOUR COMMENTS