डा. केसीयात अनुसन लित कायेत नेकपाया इनाप

येँ (नेपालभाषा टाइम्स) – वंगु २४ प्यन्हु न्ह्यवंनिसें आमरण अनसन च्वनाच्वंम्ह डा. गोविन्द केसीयात अनसन लित कायेत नेपाल कम्युनिष्ट पार्टी (नेकपा) या सचिवालय बैठकं इनाप याःगु दु। प्रधानमन्त्री निवास बालुवाटरय् च्वंगु सचिवालयया बैठकं थ्व स्वयां न्ह्यः सरकारं केसी लिसे याःगु सम्झौता कार्यान्वयनया चरणय् दुगु धासें अनसन लित कायेत इनाप याःगु खः । थ्व स्वयां न्ह्यः शिक्षा सचिव गोपी मैनालीं केसीयात नाप लासे अनसन लित कायेत इनाप याःगु खः । तर डा. केसी धाःसा थःगु माग कार्यान्वयन यायेत सरकारं चिउता मतः धासें अनसनयात निरन्तरता बिउगु खः । अनसनया कारणं डाक्टर केसीयात अक्सिजन बीमाःगु अवस्था ब्वलंगु दु ।