ख्वप नपाया आइसोलेसन संचालन

ख्वप (नेपालभाषा टाइम्स) – ख्वप नगरपालिकां कोरोना संक्रमितया उपचार व संक्रमण नियन्त्रणया निंतिं ७५ श्ययाया आइसोलेसन केन्द्र संचालनय् हःगु दु। नगरपालिकां संक्रमितया उपचारया निंतिं थःगु हे आइसोलेसन केन्द्र संचालनय् हःगु दु ।

नगरपालिकां ब्रम्हायणीइ निर्माण यानाच्वंगु बहुउद्देश्यीय भवनयात आइसोलेसन केन्द्रया रुपय् संचाालनय् हःगु खः। झिम्ह संक्रमित तयाः संचालनय् हःगु केन्द्रय् संक्रमितत तना यंकेगु ज्यानं जुयाच्वंगु दु। थ्व स्वयां न्ह्यः खरिपाटीइ च्वंगु नेपाल विद्युत प्राधिकरण व ख्वप अस्पतालय् संक्रमितयात छ्वयेगु यानाच्वंगु नगरपालिकां आः थःगु हे बिस्कं आइसोलेसन संचालनय् हःगु खः ।

खरिपाटी व ख्वप अस्पतालया जक भरय् च्वना च्वने मजिउ धइगु तायेकाः सरकारं क्वःछिनातःगु मापदण्ड पूवंकाः थःपिंसं बिस्कं आइसोलेसन केन्द्र तयार यानाः संचालनय् हयागु नगरप्रमुख सुनील प्रजापतिं कनादिल ।