दाहालयात गामय् प्रवेश निषेध

येँ –  प्रदेश ३ या नां ‘नेवाः–ताम्सालिङ’ मतसे बागमति तःगुया विरोध यासें काभ्रेया पहिचानवादी अभियन्तातय्सं नेकपाया अध्यक्ष लिसें पुलांम्ह माओवादी नेता पुष्पकमल दाहालयात थःगु क्षेत्रय् दुकायेगु मखु धासें ‘प्रवेश निषेध’ याःगु दु ।

काभ्रेया महाभारत गाउँपालिकाया पहिचानवादी ल्याय्म्हतय्सं पहिचानया मुद्दाय् दाहालं थःपिंत धोका बिउगु धासें वय्कःयात थःपिनि गाउँपालिकाय् दुमकायेगु निर्णय याःगु खः । दाहालयात थःगु गाउँपालिकाय् प्रवेश निषेध यानागु दु धासें अनया ल्याय्म्हतय्सं थाय्थासय् पम्प्लेट छापे यानाः तिकेगु ज्या समेत याःगु दु । दाहालया किपाय् क्रस यानातःगु पम्प्लेट अनया थीथी थासय् तिकातःगु खः ।

दाहालं पहिचानया मुद्दायात न्ह्यःने तयाः आश्वासन बिउगु खःसां लिपा वनाः थः हे सक्रिय जुयाः प्रदेशया नां बागमति तःगु धासें वय्कः थेंज्याःम्ह पहिचान विरोधीयात गामय् दुकायेगु मखु धासें यदि दुहां वल धाःसा उकिं पिहां वइगु लिच्वःया भागिदार वय्कः थः हे जुइगु ख्याच्वः नं ल्याय्म्हतय्सं बिउगु दु ।

सम्बन्धित बुखँ

LEAVE YOUR COMMENTS