स्वनिगः भयावह जुइफु : स्वास्थ्यमन्त्री

येँ (नेपालभाषा टाइम्स) – संक्रमणया वृद्धिदर थुकथं हे अप्वया वन धाःसा येँय् कोरोनाया अवस्था अझ भयावह जुइ फइगु खँ स्वास्थ्य मन्त्री भानुभक्त ढकालं धयादीगु दु। पत्रकारत लिसे खँ ल्हासें वय्कलं स्वनिगलय् संक्रमण अप्वया वनेवं न्हूगु रणनीति कथं नियन्त्रण यायेत न्ह्याःवनेगु तयारी यानाच्वनागु खँ जानकारी नं बियादिल । आः स्वनिगः पिनें वइपिं मनूतय्त क्वारेन्टाइनय् तयेगु, जोर बिजोर सवारी चले याकेगु, पीसीआर टेस्टया दायरा अप्वयेके फइगु खँ नं वय्कलं कनादिल ।

मन्त्री ढकालं आः न्हिं १८ हजार पीसीआर परीक्षण यायेगु क्षमता सरकारयाके दु धासें खुगू लाख जनताया पीसीआर परीक्षण यायेगु तयारी दुगु खँ कनादिल । आः तक ३ लाख ७० हजार मनूतय् पीसीआर परीक्षण जुइधुंकूगु दु। पीसीआर परीक्षण म्हो जुल धकाः वयाच्वंगु द्वपंया खण्डन यासें वय्कलं सरकारं दयेकूगु मापदण्ड कथं हे परीक्षण जुयाच्वंगु दावी यानादिल । वय्कलं धयादिल, ‘परीक्षण मयाःगुलिं वा म्हो जूगुलिं रिपोर्ट म्हो जुल धकाः वयाच्वंगु खँ सत्य मखु ।’

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन