फ्रान्सया निगू शहरय् कडाइ

एजेन्सी – कोरोना भाइरसया संक्रमण हाकनं तच्वया वयेवं फ्रान्स सरकारं देय्या निगू मू शहरय् सार्वजनिक कृयाकलापय् कडाइ यायेगु घोषणा याःगु दु। राष्ट्रव्यापी लकडाउन यायेमाःगु अवस्था वयेके मबिइत नं सरकार सतर्क दुगु खँ धाःगु दु ।

फ्रान्सया मार्से व बोर्डो शहरय् संक्रमण संक्रमण आकझाकां अप्वया वयेवं थन सार्वजनिक कृयाकलापय् कडाइ याःगु खः । बोर्डो शहरय् झिम्हं अप्वः मनूत छगू सार्वजनिक पार्कय् भेला जुइत निषेध याःगु दु। अथेहे मनोरञ्जनात्मक कृयाकलाप लिसें जःलाखःला दथुइ भेला, समारोह यायेत नं प्रतिबन्ध तःगु दु ।

अथेहे रंगशाला, कन्सर्ट, प्रदर्शनया सन्दर्भय् बोर्डो शहरय् छक्वलं द्वःछिम्ह अप्वः मनूत मुनेत प्रतिबन्ध तःगु दु। थ्वयां न्ह्यव फ्रान्सं न्याद्वःम्ह तक मनूत मुनेफइ कथं खुला यायेधुंकूगु खः । फ्रान्सया हे निगूगु तःधंगु शहर मार्सेय् नं बोर्डोय् थें हे प्रतिबन्धत तःगु दु। फ्रान्सया स्वास्थ्य विभागं शनिवाः २४ घन्टाया दुने झिद्वलं मल्याक न्हूपिं कोरोना संक्रमितत लूगु खँ धाःगु दु ।

सम्बन्धित बुखँ

LEAVE YOUR COMMENTS