ने. सं. ११४६ बछलागा तृतीया -

सवारी पास किर्ते याःम्ह ज्वन

येँ (नेपालभाषा टाइम्स) – प्रहरीया केन्द्रीय अनुसन्धान ब्यूरों सवारी पास किर्ते याःम्ह छम्हेसित ज्वंगु दु । ब्यूरोया प्रहरी पुचलं विदेशय् अलपत्र लानाच्वंपिं नेपाःमियात उद्धार यानाः हयेगु झ्वलय् होल्डिङ सेन्टरय् यंकेत जारी याइगु सवारी पासया किर्ते याःगु द्वपनय् विश्वप्रकाश पनेरुयात ज्वंगु खः ।

विशेष सूचनाया लिधंसाय् ब्यूरोया प्रहरी पुचलं पानस ब्यांक्वेट होल्डिङ सेन्टरय् नेपाल टेलिकमया सिम कार्ड वितरण याइगु डिलरया प्रतिनिधि गोरखाया आरुघाटय् च्वंम्ह पनेरुयात ज्वंगु खः । थौंकन्हय् थनया कपुरधाराय् च्वना वयाच्वंम्ह पनेरुयात शंकास्पद भ्वंलिसें ज्वंगु खःसा वयात थप अनुसन्धानया निंतिं महानगरीय प्रहरी वृत्त महाराजगंजय् लःल्हाना बिउगु दु ।