जिगु स्वास्थ्य सामान्य दु : मेयर शाक्य

येँ- येँ महानगरपालपकाया मेयर विद्यासुन्दर शाक्यं थःगु स्वास्थ्य सामान्य दुगु खँ धयादीगु दु । काेराेना संक्रमणया कारणं छेँय् हे आइसालेशनय् च्वंच्वनादीम्ह वय्कलं थःत संक्रमण जूसां थःगु मनाेबल उच्च दुगु खँ धयादीगु दु । थःत संक्रमण जूगु पुष्टि जुइवं म्हिगः छगू प्रेस विज्ञप्ति पिथनादिसें वय्कलं थ्व खँ धयादीगु खः । हाेम आइसलाेसनय् दुसां थःम्हं मनपाया जनप्रतिनिधि, कर्मचारीलिसे निरन्तर समन्वय याना काेराेना राेकथामय् ज्या याना च्वनेगु प्रतिवदता नं वय्कलं प्वंकादीगु दु ।

वंगु १४ गते थःत व थः जहानयात १०० डिग्रीस्वयां अप्वः ज्वर खनेदयेवं थःपिं पिसिआर परीक्षणय् वनागु व उकिया लिच्वलय् थःत पाजिटिभ वःगु व जहानयात नेगेटिभ वःगु खँ वय्कलं न्ह्यथनादीगु दु ।थःगु स्वास्थ्ययात कयाः चिउताः प्वंकादीपिंत नं वय्कलं सुभाय देछायादीगु दु ।