विराटया साहित्य चिमुँज्या
ख्वप(नेपालभाषा टाइम्स)÷विराट नेपालभाषा साहित्य सम्मेलन गुथिया ग्वसालय् वंगु शनिवाः ‘विराट साहित्य चिमुँज्या’ जुल । गुथिया ग्वसालय् उगु साहित्य चिमुँज्या नांजाःम्ह साहित्यकार सौरभ शाक्यया छेँय् जूगु खः ।
साहित्यकार शाक्यया हना जूगु साहित्य चिमुँज्याय् आपालं साहित्यकारपिंसं थःथःगु साहित्यिक रचना पाठ यानादीगु खः । ज्याझ्वलय् सम्मानित व्यक्तित्व शाक्यलिसें डा. योगेन्द्र प्रधान, त्रिरत्न शाक्य, गोविन्दमान श्रेष्ठ, महेन्द्रमान कर्माचार्य, कृष्णभक्त बोडे, प्रदीप शाक्य, विमल ताम्राकार, श्याम आशा, पशुपतिमान पःमां, नविनप्रकाश श्रेष्ठ, तुयू पुं, वसन्त नकःमिं थःथःगु रचना पाठ यानादीगु खः ।
अथे हे तेजकृष्ण श्रेष्ठ, सुलोचना सैंजू, दिलकुमारी डंगोल, सूर्यलक्ष्मी भ्वमि, योगी स्यस्यः, न्हुछेभक्त कवां, सुरेन्द्रलाल भुजु नं रचना पाठ यानादीगु खः ।
विराट गुथिया नायः महेन्द्रगोपाल कर्माचार्यया सभापतित्वय् छ्याञ्जे प्रदीप शाक्यं लसकुस यासें न्ह्याःगु ज्याझ्वलय् साहित्यकार शाक्यं जिन्दगी शीर्षकय् स्वपु गजल न्यंकादीगु खः ।
LEAVE YOUR COMMENTS