किपुली खाद्य सडक दयेकेगु सुरु

किपू (नेपालभाषा टाइम्स) – किपू नगरपालिकां वडा नं. ४ व ९ लय् लाःगु फय्खा नगरया लँया जवंखवं सिमा पिना नगरयात खाद्य सतक दयेकेगु ज्या न्ह्याकूगु दु। कीपू नगरपालिकां आर्थिक दँ २०७७७८या नीति तथा कार्यक्रमय् हे किपू नगरयात हरित सतक व खाद्य सतक दयेकेगु अवधारणा दुथ्याकातःगु खः । थज्याःगु अवधारणा हःगु नेपाःया हे दकलय् न्हापांगु किपू नगरपालिकां थुकिया सुरुवात यासें म्हिगः वृक्षारोपण ज्या न्ह्याकूगु खः ।

म्हिगः सुथय् किपू नगरपालिकाया मेयर रमेश महर्जनं तेबूमा पिनाः सुरुवात यानादीगु खः । अथेहे उपमेयर सरस्वती खड्का, वडा नं. ४ या अध्यक्ष राजेन्द्र बानियाँ, ९ या अध्यक्ष गंगाराम महर्जन, १० या अमन महर्जनलिसें वडा सदस्य व स्थानीयवासिन्दातय्सं सिमा पिउगु खः । तेजपात व तेबूया १५० म्ह सीमा उगु थाय् बिउगु खः । थ्व सिमाया मा राष्ट्रिय वनस्पति उद्यान गोदावरीं उपलब्ध याकूगु खः ।

वृक्षारोपण ज्याझ्वलय् थःगु नुगःखँ तयादिसें राष्ट्रिय वनस्पति उद्यान, गोदावरीया कार्यालय प्रमुख दिपक लामिछानें नगरयात खाद्य सतक दयेकेगु न्हूगु सोच हःगुलिं कीपू नगरपालिकायात सुभाय् देछायादीगु खः ।

सम्बन्धित बुखँ

LEAVE YOUR COMMENTS