उदयपुरय् छम्हेसित कोरोनाया पुष्टि

येँ – कोरोना भाइरस (कोभिड-१९)पाखें उदयपुरय् थप छम्ह संक्रमण जूगु पुष्टि जूगु दु । स्वास्थ्य तथा जनसंख्या मन्त्रालयया प्रवक्ता डा. विकास देवकोटां बियादीगु जानकारी कथं उम्ह मनू ३३दँया मिजं खः । मेपिनिगु हानं परीक्षण यायेगु निंतिं धरानस्थित बीपी कोइराला स्वास्थ्य विज्ञान प्रतिष्ठान व येँय् छ्वःगु दु । थ्वस्वयां न्ह्यः कोरोना भाइरसया संक्रमणया आशंकय् उदयपुरया त्रियुगा नगरपालिकाय् च्वंपिनि परीक्षण यायेगु झ्वलय् ८म्हेसिया रिपोर्ट शंकास्पद लूगु खः ।

थ्व नापं नेपालय् कोरोना संक्रमिततय् ल्याः ३२म्ह थ्यंगु दु ।