एसईईया लिच्वः मेगु वालय्

येँ (नेपालभाषा टाइम्स) – राष्ट्रिय परीक्षा बोर्डं एसईई परीक्षाया लिच्वः थ्वहे वइगु वाः दुने पिकाइगु जूगु दु। लिच्वः पिकायेगु निंतिं परीक्षा बोर्डया तयारी ज्या अन्तिम चरणय् थ्यंगु खँ धाःगु दु। कोरोना संक्रमणया ग्याःचिकुया कारणं थुगुसी एसईई जाँच कायेमफुगु खःसां विद्यालयतय्सं छ्वयाहःगु आन्तरिक मूल्यांकनया आधारय् परीक्षा बोर्डं लिच्वः पित बीत्यंगु खः । आः विद्यालयतय्सं छ्वयाहःगु मूल्यांकनया नम्बर रुजु यायेगु ज्या जुयाच्वंगु खँ सीदुगु दु। थुगुसी देय्न्यंकं ४ लाख ८२ हजार २१९ म्ह विद्यार्थीतय्सं एसईई परीक्षाया बीगु तयारी याःगु खः । एसईई परीक्षा मजूगुलिं आः थुलि हे ल्याखय् विद्यार्थीतय् लिच्वः पिकाइगु जुइ ।