ठग सब-इन्स्पेक्टर ज्वन

येँ (नेपालभाषा टाइम्स) – खुया हयातःगु मोबाइल न्यानाः चले यानाच्वंपिंत ख्यानाः ठगे याना वयाच्वंम्ह छम्ह प्रहरी सहायक निरीक्षक (सई)यात ज्वंगु दु। प्रहरी प्रधान कार्यालयय् ज्या यानाच्वंम्ह किपू नगरपालिका २, ट्याब्लाफाँटय् च्वनीम्ह सई गोविन्द बहादुर साउदयात सोमवाः सुथय् प्रहरीं ज्वंगु खः ।

सई साउदं खुयाहयातःगु मोबाइल ट्रेस यानाः उगु मोबाइल चले यानाच्वंपिं मनू मालाः उमित फँसे यानाबी धकाः ख्यानाः मोबाइलया लिसें ध्यबा तकं ठगे यायेगु याना वयाच्वंगु खः । साउदं थथे ठगे यानाच्वंगु सुचंया आधारय् महानिरीक्षकया सचिवालय व महानगरीय प्रहरी वृत्त किपूपाखें खटे जूपिं प्रहरीं ज्वंगु खः । वयापाखें निगः मोबाइल व झिद्वः तका नं बरामद याःगु खः ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन