पूच्वया इन्जिनियरिङ क्याम्पसय् नयागु बार

यल (नेपालभाषा टाइम्स) – यल महानगरपालिकां पूच्वय् च्वंगु नेपाल इन्जिनियरिङ अध्ययन संस्थान (पूल्चोक क्याम्पस)य् नयागु बार तया
बिउगु दु । यल मनपां न्हापा अप्पां दनातःगु तजाःगु पःखाः थुनाः नयागु बार तया बिउगु खः । नयागु बार तया बीवं न्हापा ज्या विशेषं क्याम्पस दुने दुहां वनीपिंसं जक स्वयेखनीगु क्याम्पस परिसर दुने च्वंगु पुरातात्विक महत्वया राणाकालीन आनन्द दरवार व लःया फोहरा आः उगु लँपु जुयाः वनीपिं सकसिनं स्वये खनीगु जूगु दु ।

यल मनपां अप्पाया पःखाः थुनाः नयागु बार तयाबीवं लँजुवाःतय्सं दुनेया दृश्यावलोकन सहज रुपं याये खंगु दु । यल मनपाया खुल्ला क्षेत्र विस्तार यायेगु योजना अन्तर्गत न्हापांगु चरणया ज्याकथं पुल्चोक क्याम्पसया पःखाः थुनाः थ्व ज्या न्ह्याकूगु खः ।  यल मनपा प्रमुख चिरिबाबु महर्जन व क्याम्पस प्रमुख प्रा.डा. लक्ष्मण पौडेलं मंकाःकथं नयागु बारया उलेज्या यानादीगु खः ।

खतुं क्याम्पस प्रशासनं थगुने हे पःखाः थुनाः नयागु बार तयेगु निंतिं यल मनपायात इनाप याःगु खः । थ्व बाहेकं यल मनपां जावलाख्यःस्थित कासा ख्यः व महालक्ष्मीस्थान लिक्क च्वंगु राजदल गणया कासा ख्यलय् नं नया बार तया बिउगु दु ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु