ने. सं. ११४६ बछलाथ्व पञ्चमी - दयावीरसिं बुदिं

प्रदेश संसदय् ख्वनाया माग पूवंकेमाःगु माग

येँ (नेपालभाषा टाइम्स) – बागमति प्रदेशया सांसदतय्सं ख्वनाया जग्गा अधिग्रहणयात कयाः प्रदेश संसदय् खँ ल्ह्वःगु दु। म्हिगः प्रदेश संसदय् न्ववासें सांसद विजया केसीं उर्बर भूमि व मौलिकता सखाप जुइकथं विकास यानाः सुयागुं हीत जुइमखु धयादीगु दु ।

‘बुंगः व ख्वकनाया थःगु हे इतिहास दु। विकास यायेगु नामय् तसकं म्हो जक मुआब्जा बियाः जनतायात सुकुम्बासी
दयेके दइमखु, उकिं आः अन आन्दोलन यानाच्वंपिनि माग पूवंकेगु बाहेक मेगु विकल्प दइमखु’ वय्कलं धयादीगु दु ।

अथेहे सांसद राजकाजी महर्जनं फास्ट ट्य्राकं जक मखु, बाहिर चक्रपथ, बागमती करिडोर, पेट्रोलियम पाइपलाइन व मेमेगु विकास निर्माणया ज्यां ख्वनाया १० हजार रोपनी उर्बर भूमि नास जुइत्यंगु दु। थुकी प्रदेश सरकारया ध्यानाकर्षण
जुइमाः धयादीगु दु ।