ने. सं. ११४६ बछलागा तृतीया -

ठगी मुद्दाय् संलग्न निम्हेसित ज्वन

येँ (नेपालभाषा टाइम्स) – ठगीया ज्याय् संलग्न निम्हेसित प्रहरीं ज्वंगु दु । प्रहरीं ठगी सम्बन्धी कसुरय् संलग्न जूगु धासें चितवनया माडी नगरपालिका छेँ जुयाः येँ महानगरपालिका वडा २९या घट्टेकुलोय् च्वना वयाच्वंम्ह नरेन्द्रनाथ पौडेल व क्राउन टेक्सटाइल प्रा.लि. वीरगंजया संचालक वीरगजं उपमहानगरपालिका वढा नं. ५ या पिताम्बर कुमार मुन्कायात वगु आइतवाः ज्वंगु खः ।

प्रहरीं पौडेलयात येँय् नं व मुन्कायात वीरगंजं ज्वंगु खः । प्रहरीयात आवश्यक उलन पाइन्ट गुणस्तरहीन उपलब्ध यानाः ठगीया संलग्न जूगु धासें मुन्का व वयागु कम्पनीया प्रतिनिधि पौडेलयात ज्वंगु खः । जालसाजी व ठगीया ज्याय् संलग्न निम्हेसितं जिल्ला अदालत येँय्पाखें म्याद थप यानाः अनुसन्धान यानाच्वनागु प्रहरी प्रधान ज्याकूया केन्द्रीय अनुसन्धान ब्यूरों जानकारी बिउगु दु ।