समानुपातिकपाखे एमाले न्ह्यःने

येँ (नेपालभाषा टाइम्स)-मंसिर ४ गते क्वचाःगु चुनावया आः तक पिहां वःगु लिच्वःकथं प्रत्यक्षपाखे नेपाली कांग्रेस न्ह्यःने लानाच्वंसां समानुपातिक मतपाखे धाःसा नेकपा एमाले दकलय् न्ह्यःने लाःगु दु ।

म्हिगः बहनी ६ बजे तकया लिच्वः कथं एमाले १ लाख १७ हजार ७७६ समानुपातिक मत हयाः न्ह्यःने लानाच्वंगु दु । वयां लिपा नेपाली कांग्रेस १ लाख ६७७ मत हयाः निगूगु थासय् लानाच्वंगु दुसा ५० हजार ८१४ मत हयाः राष्ट्रिय स्वतन्त्र पार्टी स्वंगूगु थासय् लानाच्वंगु दु ।

उकथं हे ४४ हजार ९५८ मत हयाः नेकपा माओवादी केन्द्र प्यंगूगु थासय् लानाच्वंगु दुसा राष्ट्रिय प्रजातन्त्र पार्टी २८ हजार ३२८ मत हयाः न्यागूगु थासय् लानाच्वंगु दु । जनता समाजवादी पार्टीं ९ हजार ३४४, जनमत पार्टीं ८ हजार ७०१, नेपाल मजदुर किसान पार्टीं ६ हजार ९०५, नागरिक उन्मुक्ति पार्टीं ६ हजार ३९७ व नेकपा एकीकृत समाजवादी पार्टीं ५ हजार ६९७ मत हःगु जानकारी निर्वाचन आयोगं बिउगु दु ।

सम्बन्धित बुखँ

LEAVE YOUR COMMENTS