बायर्नं हाकनं त्याकल जर्मन बुंडेसलिगा

म्युनिक (एजेन्सी) – बायर्न म्युनिकं मगलवा: बहनि झ्वलाक च्याक्व:गु खुसी जर्मन बुंडेसलिगा त्याकूगु दु । थुकिया नितिं रोबर्ट लेवनडोस्कीया निर्णायक गोलं बायर्न भेरडाआ ब्रेमेनयात १-० बुकल । थ्व हे दिनय् पार्डाबोन धा:सा बुंडेसलिगां रेलिगेसनय् ला:गु दु । कोरोना भाइरस संक्रमणमा महामारी दथुइ सुरु जूगु बुंडेसलिगाय् बयार्न लिपांगु च्यागु कासाय् लगातार जित नं चुलाकूगु दु । प्रशिक्षक हान्स फ्लिक वयेवं धा:सा बायर्नं त्याकूगु थ्व न्हापांगु उपाधि ख: । मंगलवा:या मेगु कासाय् पारडाबोन युनियन बर्लिननाप १-० पराजित जुल । थ्व कासा त्यायेवं युनियन बर्लिन लगातार निगूगु सिजन बुंडेसलिगाय् कायम जुइगु निश्चित जूगु दु । अथेंतु मेगु निगू कासाय् फ्राइबर्गं हेर्था बर्लिनयात २-१ व बोरुसिया मुन्छेडनग्लाडबाखं वोल्फ्सबर्गयात ३-० बुकल ।

सम्बन्धित बुखँ

LEAVE YOUR COMMENTS