नेपाःया न्हूगु नक्सा सम्बन्धी संविधान संशोधन विधेयक संसदं पारित

येँ – नेपाःया भूभागत लिम्पियाधुरा, कालापानी व लिपुलेक दुथ्याःगु न्हूगु राजनीतिक नक्सा सम्बन्धी संविधान संशोधन विधेयक प्रतिनिधिसभां पारित याःगु दु ।

शनिवाः च्वंगु संसदया मुँज्यां न्हूगु नक्सा कथ) निशान छाप लिहेत हःगु संविधान संशोधन विधेयक दुई तिहाई स्वयां अप्व मतं पारित याःगु खः । मुँज्यां उपिस्थित २ सय ५८म्ह सांसदतय्सं संशोधन विधेयकया पक्षय् मत तःगु खः । विपक्षय् सुनां नं मतदान मया । प्रतिनिधिसभा संसदय् कुल २ सय ७५म्ह दुजः दुगु खः । सभामुखं मतदानय् ब्वति मकाइगु, ४म्ह सांसद निलम्बित अवस्थाय् दुगु व १२म्ह संसदत अनुपस्थित जूगुलिं २ सय ५८म्ह उपस्थित सांसदतय्सं जक मतदान याःगु खः ।

सरकारं न्हूगु नक्सा कथं संविधानया अनुसूची–३ संविधान संशोधनया निंतिं जेठ ९ गते संसद सचिवालयय् विधेयक दर्ता याकूगु खः । सरकारं न्हूगु नक्सा जेठ ७ गते जार ियाःगु खः ।