मप विस्तारय् कारण देखाउ आदेश

येँ (नेपालभाषा टाइम्स) – मन्त्रिपरिषद् विस्तार विरुद्ध सर्वोच्च अदालतं सरकारयात कारण देखाउ आदेश जारी याःगु दु । प्रतिनिधिसभा विघटन लिपा चुनावया मिति घोषणा यायेधुंकूगु अवस्थाय् काम चलाउ हैसियतय् थ्यंगु वर्तमान मन्त्रिपरिषद् विस्तार यायेगु ज्या खारेज यायेमाःगु माग यासें दायर जूगु निगू रिटयात कयाः सुनुवाइ यासें सर्वोच्च अदालतं कारण पेश यायेत व अन्तरिम आदेशया बारे सहलह यायेत निगुलिं पक्षयात सःतूगु खः ।

वरिष्ठ अधिवक्ता दिनेश त्रिपाठी व अधिवक्ता लोकेन्द्र ओलीं दायर याःगु बिस्कं बिस्कं रिट निवेदनयात कयाः सुनुवाइ यासें न्यायाधीश अनिलकुमार सिन्हाया एकल इजलाशं पुस २८ गते अन्तरिम आदेश बारे सहलह यायेगु निंतिं सःतूगु खः ।  प्रधानमन्त्री केपी ओलीं असंवैधानिक रुपय् पुस ५ गते प्रतिनिधिसभा विघटन यानाः वइगु वैशाख १७ व २७ गते निगू चरणय् चुनावया मिति घोषणा याःगु खःसा वंगु पुस १० गते मन्त्रिपरिषद् विस्तार याःगु खः । निवेदकपिंसं चुनावया मिति घोषणा जुइधुंकूगु अवस्थाय् मन्त्रिपरिषद् विस्तार यायेगु स्थापित मूल्य मान्यता अःखः जूगु धासें उकियात बदर यायेमाःगु माग याःगु खः ।

सम्बन्धित बुखँ

LEAVE YOUR COMMENTS