रुकुम घटनाया छानबिन यायेत संसदीय विशेष समिति नीस्वन

येँ – रुकुम पश्चिमय् खुम्ह ल्याम्हतय् ज्यान वनीगु कथं जूगु घटनाया छानबिन यायेगु निंतिं संसदीय विशेष समिति नीस्वंगु दु । रुकुम पश्चिम चौरजहारी नगरपालिकाया सोतीइ जूगु घटनाया अनुसन्धान यायेत सोमवाः नेकपाया सा‌ंसद देवेन्द्र पौडेलया नेतृत्वय् गुम्ह दुजः दुगु छानबिन समिति नीस्वंगु खः । उगु समितिया दुजलय् सांसदत एकवाल मियाँ, दुर्गा पौडेल, पार्वतीकुमारी विशुन्के, प्रकाश रसाइली, विमला बिक, महेश्वरजंग गहतराज, मिनबहादुर बिश्वकर्मा व रामसहायप्रसाद यादव च्वनादीगु दु । समितियात छानबिन यानाः प्रतिवेदन लःल्हायेत स्वीन्हुया ई बिउगु दु ।