विदेशय् नेपाःमितय् अवस्था : कोरोनाया कारणं २८म्ह सित, १२००म्ह संक्रमित

येँ – विश्वन्यंक महामारीया रुप कयाच्वंगु कोरोना भाइरसा (कोभिड-१९)या कारणं हलिंन्यंक २८म्ह नेपाःमित सीधुंकूगु दु ।

हलिंन्यंकया नीछगू देशय् च्वनाच्वंपिं १ हजार १ सय ६६म्ह नेपाःमित कोरोना भाइरसपाखें संक्रमित जुइधुंकूगु दुसा उकी मध्ये २८म्ह नेपाःमित सीधुंकूगु दु । गैरआवासीय नेपाली संघया कथं शनिवाः तक बेलायतय् १७म्ह, अमेरिकाय् ८म्ह, युएई २म्ह व आयरल्याण्डय् छम्ह सीगु खः ।

अथेहे अमेरिकाय् ७ सय, बेलायतय् २ सय, युएई ७१म्ह, आयरल्याण्डय् २२म्ह, पोर्तुगलय् २२म्ह, कुवेतय् २१म्ह, अष्ट्रेलिययाय् ११म्ह, स्पेनय् १०म्ह, स्वीट्जरल्याण्डय् ५म्ह, साउदी अरब व बेल्जिमय् ४म्ह-४म्ह, क्यानाडा व मलेसियाय् ३म्ह-३म्ह, माल्टाय् २म्ह व फ्रान्स, जापान, म्यानमार व हङकङय् छम्ह-छम्ह संक्रमित जूगु जानकारी गैरआवासीय संघं बिउगु दु ।

विदेशय् सीपिनि छेँजःयात ग्वाहालि यायेगु निंतिं संघं थःगु शाखा परिचालन याःगु दुसा थीथी देशय् कोरोना प्रभावित नेपाःमितय्त राहत इनेगु ज्या नं जुयाच्वंगु खँ धाःगु दु ।

थुके नेपालय् आः तक ३१म्ह मनूतय्त कोरोना भाइरसया संक्रमण जूगु दुसा उकी मध्ये प्यम्ह वासः यानाः छेँय् लिहांवनेधुंकूगु दु ।

सम्बन्धित बुखँ

LEAVE YOUR COMMENTS