मछिन्द्र क्लब लीगया शीर्ष स्थानय्

येँ – उपाधि त्याकेगु लक्ष्यलिसें न्ह्याः वनाच्वंगु मछिन्द्र क्लब थन न्ह्यानाच्वंगु शहीद स्मारक ए डिभिजन लिगया शीर्ष स्थानय् थहां वयेत सफल जूगु दु। मछिन्द्रं जावलाखेल युथ क्लबयात बुकाः लिगया शिर्ष स्थानय् वःगु खः ।

शनिवाः जूगु लिगया न्हापांगु कासाय् मछिन्द्रं जावलाखेलयात १-० गोलं बुकूगु खःसा वयागु निंतिं छगू जक निर्णायक गोल विशाल राईं कासाया न्हापांगु हाफया ३१ औं मिनेटय् याःगु खः ।

म्हिगः हे जूगु कासाय् साविकया विजेता मनाङ मस्र्याङदी धाःसा गोलरहित बराबरीइ चित्त बुझे यायेमाल । उपाधिया दावेदारकथं कयातःगु डिफेन्डिब च्याीिम्पयन मनाङयातहिमालयन शेर्पां गोलरहित बराबरीइ पनाः अंक इनेत बाध्य याःगु खः ।

कासाया ७२ औं मिनेटय् सुरज विश्वकर्मा ह्याउँगु कार्ड नयाः पिहां वनेवं मनाब १० म्ह कासामिइ सीमित जूगु खः । मनाङं हिमालयनलिसे म्हितूगु बराबरीया लबः मछिन्द्रं काःगु खः । जारी लिगया म्हिगःनिसें शुरु जूगु खुगूगु चरणया न्हापांगु कासापाखें मछिन्द्र १३ अंकलिसें लिगया शीर्ष स्थानय् दुसा निगूगु थासय् लानाच्वंगु मनाबया समान कासापाखें १२ अंक जूगु दु।