एम्बुलेन्सया सेवा बियाच्वम्हेसित हे कोरोनाया संक्रमण

येँ – येँया बुढानिलकण्ठ नगरपालिकाय् कोरोना भाइरसाया संक्रमण जुम्ह मनू नीजि एम्बुलन्सया सेवा बियाच्वम्ह मनू जूगु खँ सीदुगु दु ।

बुढानिलकण्ठ नगरपालिका वडा नम्बर ३या ३७दँया मनूखं थःगु निजी गाडीयात एम्बुलेन्सया कथं छ्यलाः अस्पताल वये वनेगु सुविधा बियाच्वम्ह खः । नगरपालिकाया स्वीकृति कयाः चले यानाच्वम्ह नीजि एम्बुलेन्सया गाडी चालकयात हे सोमवाः संक्रमणया पुष्टि जूगु खः ।

नगरपालिकां जेठ ८ व ९ गते आरडीटीपाखें नगरवासीतय् परीक्षण याःगु खः । उकी मध्ये नीजि एम्बुलेन्स चालकया नं रिपोर्ट पोजेटिभ वःगु खः । लिपा राष्ट्रिय जनस्वास्थ्य प्रयोगशाला टेकुइ पीसीआरपाखें याःगु परीक्षणय् नं पोजेटिभ वःगु खः ।

आः उम्ह संक्रमितयात टेकु अस्पतालया आइसोलेसनय् भर्ना याःगु दु । अथेहे नगरपालिकां संक्रमितनाप सम्पर्कय् वःपिनि मालेगु ज्या सुरु जूगु खँ धाःगु दु ।

सम्बन्धित बुखँ

LEAVE YOUR COMMENTS