थप ३०म्ह न्हूपिंत कोरोना, संक्रमितत ४८७म्ह थ्यन

येँ – नेपालय् थप ३०म्हेसित कोरोनाया संक्रमण जूगु दु । स्वास्थ्य तथा जनसंख्या मन्त्रालयं नवलपरासी पूर्वय् छम्ह, भरतपुरय् २म्ह, नवलपरासीइ ३म्ह, कपिलवस्तुइ ९म्ह व सर्लाहीइ १५म्हेसित कोरोनाया संक्रमण जूगु पुष्टि याःगु दु । थ्व नापं नेपालय् कोरोना संक्रमिततय् ल्याः २८७म्ह थ्यंगु दु ।

शुक्रवाः नवलपरासीया विनय त्रिवेणी गाँउपालिका–६या ४५दँया मिजं, भरतपुर महानगरपालिका–६ केसरबाध केसरबाघ चितवनया ७४दँया मिजं व ७३दँया मिसा, नवलपरासीया सुस्ता गाँउपालिका–५ व रामग्राम नगरपालिका ३ व १८या ३३ व ३५दँया मिजं व १५दँया मिसायात संक्रमण जूगु दु ।

अथेहे कपिलवस्तु वाणगंगा नगरपालिका मायादेवी गाउँपालिकाया २४, २५, २७, २९, ३४, ३६, ४५ व ५३दँया मिजंत व ८दँया मिसा मचा व सर्लाही गोडैता नगरपालिका ८, ९, ११, १३ व १४ व रामनगर बहुअर्वा गाउँपालिका–७या २२, २२, २४, २५, २५, २७, ३२, ३४, ३४, ३५, ३८, ३८ व ३९दँया मिजं व १८दँया मिसाया संक्रमण जूगु दु ।