सुनारया केशय् मन्त्रीयात आदेश

येँ – रुपा सुनारं थःत जातीय भेदभाव यात धासें बिउगु रिटयात कयाः सर्वोच्च अदालतं मन्त्री कृष्णगोपाल श्रेष्ठयाके लिखित लिसः माग याःगु दु । थःत जातीय विभेद यानाः क्वथा बालं मबिउम्ह घरपति सरस्वती प्रधानया पक्षय् सहभागी जूगु धासें रुपा सुनारं मन्त्री श्रेष्ठयात विपक्षी दयेकाः रिट तःगु खः ।

म्हिगः सर्वोच्चया न्यायाधीश कुमार रेग्मीया एकल इजलासं मन्त्री श्रेष्ठयाके लिखित स्पष्टीकरण यायेगु निर्णय यासें आः थ्वहे वइगु असार २९ गते थुकिया बारे सहलह यायेत मन्त्री श्रेष्ठ लिसें निवेदन सुनार निम्हेसितं हाजिर जू वयेत सःतूगु दु ।

सुनारं प्रहरीयात थ्व सम्बन्धी उजुरी बीधुंकाः प्रहरीं छानबिनया लागिं सुनारया मोबाइल बिउ धकाः पौ च्वःसां नं सुनारं थःगु ‘प्राइभेसी’ धासें आः तक प्रहरीयात मोबाइल बिउगु मदुनि ।

सम्बन्धित बुखँ

LEAVE YOUR COMMENTS