जेठ २० गते तकया निंतिं लकडाउन थप

येँ – सरकारं जेठ २० गते तकया निंतिं लकडाउन थप यायेगु निर्णय याःगु दु । आइतवाः प्रधानमन्त्री निवास बालुवाटारय् च्वंगु मन्त्रिपरिषद्या मुँज्यां लकडाउन झिंन्यान्हु थप यायेगु निर्णय याःगु खः ।  थ्वस्वयां न्ह्यः कोरोना नियन्त्रण व रोकथाम सम्बन्धी उच्चस्तरीय समन्वय समितिं नं लकडाउनया ई निवाः थप यायेमाःगु सुझवा बिउगु खः ।

मुँज्याय् नेपालय् कोरोना भाइरसया कारणं संक्रमित जुइपिनि ल्याः अप्वयाच्वंगु व निम्ह संक्रमित सीधुंकूगुलिं लकडाउन थप यायेगुया विकल्प मदुगु निष्कर्ष पिकाःगु खः । नेपालय् थौं तकया दुने २९५म्ह मनूतय्त कोरोनाया संक्रमण जुइधुंकूगु दु ।

सरकारं थ्वस्वयां न्ह्यः घोषणा याःगु लकडाउन कन्हय् सिधयेत्यंगु खः ।

सम्बन्धित बुखँ

LEAVE YOUR COMMENTS