न्यायिक समितिया प्रभावकारीतायात कयाः चिउताः

येँ – येँ महानगरपालिकाया न्यायिक समिति क्रियाशील जुइ फयाच्वंगु मदु । स्थानीय तहया समस्या समाधान सम्बन्धित तहपाखें हे यायेगुकथं संविधानं हे न्यायिक समितिया परिकल्पना याःगु खः । तर समितिइ आशा याःगु स्वयां तसकं म्हो जक उजुरी दुहां वयाच्वंगु दु ।
स्थानीय तहया व्यक्तिगत व घरेलु हिंसाया समस्या समाधान यायेगु व उकिया निंतिं उजुरी कायेगु ज्या समितिं याःसां अज्याःगु घटना स्वयां संघसंस्थाया उजुरी अप्वः वयाच्वंगु महानगरपालिकां न्ह्यथंगु दु ।

देय्या राजधानी व नेपाःया हे दकलय् न्हापांगु महानगरपालिका येँ महानगरपालिकाया न्यायिक समितिइ तसकं म्हो जक उजुरी दुहां वयाच्वंगु महानगरपालिकां न्हयगंगु दु । व्यक्तिगत घटना, घरेलु व मिसा हिंसाया घटना सम्बन्धी उजुरी आतक दुहां वःगु मदुनिसा संघसंस्थालिसे सम्बन्धित उजुरी धाःसा दुहां वयाच्वंगु दु ।

महानगरपालिकाया कथं वंगु आर्थिक दँ ०७४÷७५ य् जक संघसंस्थाया स्वसःत्या स्वयां अप्वः उजुरी महानगरपालिकाया न्यायिक समितिइ दर्ता जूगु दु । वंगु आर्थिक दँय् दुहां वःगु उजुरी मध्ये करिब ख्वीगू उजुरीया जक सुनुवाइ जूगु दुसा ल्यं दुगु उजुरीइ आतक नं सुनुवाइ जुइ फयाच्वंगु मदु । अथे हे चालु आर्थिक दँय् नं उजुरी दुहां वयाच्वंगु दु । थुगु आर्थिक दँया वंगु स्वलाया दुने स्वंगू दर्जन उजुरी दुहां वःगु दु ।

न्यायिक समितिइ दुहां वःगु उजुरीया फछ्र्यौट इलय् जुइ मफुगुलिं न्यायिक समितिया अभ्यास व प्रभावकारिताय् कमजोर जुइगु खःला धइगु चिउताः ब्वलनच्वंगु दु । समितिइ वयाच्वंगु दक्वं थें उजुरी लिखित रुपं हे वयाच्वंगु सीदुगु दु ।

सम्बन्धित बुखँ

LEAVE YOUR COMMENTS