टिचिङय् ३८म्हेसित क्वारेनटिन, पीसीआर परीक्षण सुरु
येँ – बिहीवाः सुथय् टिचिङ अस्पतालय् भर्ना यानातःम्ह छम्ह मचायात कोरोना भाइरसया संत्रमण खनेवं उम्ह मचा नाप सम्पर्कय् वःपिं ३८म्हेसित क्वारेनटिनय् तःगु दु ।
अस्पतालया न्युरो सर्जरी वार्डय् भर्ना जुम्ह ६दँया मचा नाप सम्पर्कय् वःपिं स्वास्थ्यकर्मी व अस्पतालया कर्मचारी नापं मचाया मांअबुयात नं क्वारेनटिनय् तःगु खः । नापं फुक्कसिया पीसीआरपाखें कोरोना परीक्षण यायेगु निंतिं थ्रोट स्वाब संकलन याःगु दु ।
वैशाख ३० गते अस्पतालय् भर्ना जुम्ह मचा नापं च्वंपिं मेपिं न्याम्ह बिरामीतय्त अस्पतालया गणेशमान भवनया आइसोलेसन वार्डय् सारे याःगु दु ।
LEAVE YOUR COMMENTS