नेकपाया स्थायी कमिटीया मुँज्या कन्हय् च्वनीगु

येँ – नेपाल कम्युनिष्ट पार्टी (नेकपा)या स्थानीय कमिटीया मुँज्या कन्हय् च्वनीगु जूगु दु । पार्टी ज्याकू धुम्बाराहीलय् कन्हय् सुथय् ११ बजे च्वनेगु कथं स्थायी कमिटीया मुँज्या सःतुगु दु । वैशाख २५ गते च्वनेगु धकाः क्वःछिनातःगु पार्टीया स्थायी कमिटी मुँज्या लिप्पांगु इलय् स्थगित जूगु खः । पार्टीया नीम्ह स्थायी कमिटी दुजःतय्सं मुँज्याः सःतेगु निंतिं पार्टीया निम्हं अध्यक्ष केपी शर्मा ओली व पुष्पकमल दाहाल प्रचण्डयात पौ छ्वःगु खः । मुँज्याय् पार्टीया आन्तरिक विवादया बारे सहलह जुइगु खँ धाःगु दु ।