नेपालय् नं ‘पब्जी’ गेमय् प्रतिबन्ध

येँ (नेपालभाषा टाइमस)÷ल्याय्म्ह पुस्ता व मस्तय् दथुइ तसकं लोकंह्वाःगु इन्टरनेट गेम ‘पब्जी’यात नेपालय् नं प्रतिबन्ध तःगु दु । नेपाल दूरसंचार प्राधिकरणं फुक्कं इन्टरनेट सेवा प्रदायकतय्त थ्व गेम बन्द यायेत निर्देशन बिउगु दु । प्रहरीया केन्द्रीय अनुसन्धान ब्युरोया विशेष इनापय् प्राधिकरणं ‘पब्जी’ बन्द यायेत निर्देशन बिउगु खः ।

दक्षिण कोरियाय् दयेकूगु थ्व मोबाइल गेमया लटया कारणं विश्वन्यंकंया ल्याय्म्हतय्त मानसिक समस्या वयाच्वंगु दु । नेपालय् नं यक्व हे ल्याय्म्हत थ्व गेमया लटय् लानाच्वंगु गुनासो वयेवं सरकारं प्रतिबन्ध याःगु खः । छुं ई न्ह्यः जक भारतया गुजरात प्रान्तय् थ्व गेमया लटया कारणं छम्ह ल्याय्म्हया ज्यान वनेवं प्रतिबन्ध तःगु खः ।

पीन्यान्हु तक लगातार थ्व कासा म्हिताच्वंम्ह उम्ह ल्याय्म्ह गःपतय् समस्या वयाः सीगु खः । वयां लिपा गेम दयेकूगु दक्षिण कोरियाली कम्पनी ब्लु होल अन्तर्गतया पब्जी कर्पोरेशनं हे भारतय् न्हि खुघौ जक थ्व गेम म्हिते जीकथं व्यवस्था याःगु खः ।

नेपालभाषा टाइम्स

च्वमिया मेमेगु

• चित्तरन्जन नेपालीयात लुमंकल
• मतया तार भूमिगत यायेगु ज्या बेवारिस
• निम्ह साहित्यकारया थौं बिचाः मुँज्या
• एमालेया संकल्प यात्रायात पहिचानवादीया हाथ्या
• शरणार्थी काण्डय् गुम्हेसित कुना हे तइगु