विमानय् स्याक्क न्ह्यः वयेवं ….

बस, ट्याक्सी, माइक्रो, ट्याम्पुइ यात्रुतय्सं ल्वःमंकाः सामान त्वःफिका थकीगु ला सामान्य हे खः । तर यात्रु थः हे त्वःफित धाःसा छु यायेगु ले ? व नं मेमेगु यातायातया साधनय् मखु, हवाइजहाजय् ! थथे जूगु घटना ला गबलें नं न्यने नंगु मदुनि । अझ यात्रु हे त्वःफीगु घटना जुइ नं फइमखु, जू हे जूसां पत्याः नं याये फइमखु ।

तर एअर क्यानाडाया विमानय् छम्ह यात्रु त्वःफिउगु दु । उडानया इलय् तसकं स्याक्क न्ह्यः वयेका च्वंम्ह विमानया मिसाम्ह यात्रुयात विमान अवतरण यायेधुंकाः नं वयात सुनानं थनेगु कुतः मयाः । क्यानाडाया क्युबेक धइगु थासं टोरन्टोया निंतिं उडान याःगु एअर क्यानाडाया विमानय् उडानया इलय् टिफनी एडम्स नांया यात्रुयात तसकं स्याक्क न्ह्यः वयेवं व विमानय् हे द्यन ।

एडम्सं थः विमानय् त्वःफिउगु जानकारी वया पासायात फोन यानाः बिल । तर एडम्सया दुर्भाग्य हे धाये माली कि फोन याःगु १ मिनेट दुने हे वयागु मोबाइलया ब्याट्री फुत । विमान दुने खिउँसे च्वंगुलिं वं मोबाइल नं चार्ज याये मखन ।

तर जब वयात न्ह्यलं चाल, विमानया ‘सिट बेल्ट’ चिना हे तःगु अवस्थाय् लानाच्वन । विमान धाःसा पार्क याना तये धुंकूगु जुयाच्वन ।
जहाज पार्क यानातःगु विमानस्थलया लागा व विमान दुने थुरुथुरु खाक्क हे ख्वाउँसे च्वं, पिने नं छुं हे खने मदयेक खिउँसे च्वं । थज्याःगु अवस्थाय् एडम्सं थः विमानय् त्वःफिउगु जानकारी वया पासायात फोन यानाः बिल ।

तर एडम्सया दुर्भाग्य हे धाये माली कि फोन याःगु १ मिनेट दुने हे वयागु मोबाइलया ब्याट्री फुत । विमान दुने खिउँसे च्वंगुलिं वं मोबाइल नं चार्ज याये मखन । अथे खःसां एडम्सया पासां विमानस्थलय् फोन यानाः थः पासा विमान दुने हे अलपत्र जुयाच्वंगु जानकारी बिल । थ्व दथुइ बल्ल बल्ल ककपिटय् तयातःगु छगः टर्च च्याकाः सकसिगुं ध्यान सालेगु कुतः यात, अले विमानं सामान ल्ह्यइपिं कर्मचारीतय्सं वयात खंकल ।

वयां लगत्तै हे उद्धारया निंतिं वःपिं एअर क्यानाडा कर्मचारीतय्सं एडम्सयात गाडी व होटलया व्यवस्था यायेगु तयारी याःगु खःसा एडम्सं उकियात अस्वीकार यासें फक्व याकनं थःगु हे छेँय् वनेगु इच्छा यात । वंगु जुन ९ कुन्हु जूगु थ्व घटनाया पुष्टि यासें एअर क्यानां थुकियात कयाःछानविन जुयाच्वंगु खँ न्ह्यथंगु दु ।

सम्बन्धित बुखँ

LEAVE YOUR COMMENTS