पेट्रोलया भाः थहां वनेफु

साउदी अरबया निगू चिकं खानीइ जूगु आक्रमणया कारणं विश्वय् चिकंया भाः थहां वंगु दु । विश्वय् चिकंया भाः थहां वनेवं उकिया लिच्वः नेपाःयात नं लाये फइगु अनुमान याना हःगु दु । साउदीया अब्काइब व खुरैस चिकं प्रशोधन केन्द्रय् जूगु द्रोण आक्रमण लिपा साउदीं अन चिकं उत्पादन बन्द याःगु खः ।

थुकिं यानाः विश्वय् चिकंया उत्पादन ५ प्रतिशतं घटे जूगु दुसा चिकंया भाः धाःसा १९ प्रतिशतं थहां वंगु दु । नेपालय् आः थथें चिकंया स्टक दनिसां मेगु वालंनिसें धाःसा भाः थहां वनीगु सम्भावना दुगु खँ आयल निगमं धाःगु दु ।

साउदी अरबय् जूगु थ्व आक्रमणयात नेपालं नं भत्र्सना याःगु दु । थ्व आक्रमण यमनय् च्वनाच्वंपिं इरान समर्थक हूथी विद्रोही पुचलं याःगु खः धाःसां अमेरिकां धाःसा इरानयात द्वपं बियाच्वंगु दु ।