बुंगद्यः व याकःमिसाया मूर्ति किपुलिइ बिज्याकल

यल(नेपालभाषा टाइम्स)-बुंगद्यः व बुंगद्यवं ययेकातःम्ह मिसा धयातःम्ह याकःमिसाया मूर्ति किपुलिइ बिज्याकूगु दु । थिंलाथ्व अस्तमिकुन्हु यलया महाबौद्धय् छगू तःजिगु ज्याझ्वः यानाः बुंगद्यः व याकःमिसाया मूर्ति लःल्हाःगु खः ।

बुंगद्यः व याकःमिसाया मूर्ति किपूया गःछेँस्थित प्यंगःथामय् दयेकातःगु देगलय् बिज्याकेत्यंगु खः । महाबौद्ध सेवा समितिया नायःनापं पुलांम्ह वडाअध्यक्ष शान्तमानन्द शाक्यया सभापपतित्वय् जूगु मूर्ति लःल्हायेगु ज्याझ्वलय् येँ महानगरपालिकाया प्रमुख बालेन्द्र शाह, किपू नगरपालिकाया उपप्रमुख शोभालक्ष्मी शाक्य (सुनिता), यलया पुलांम्ह वडाअध्यक्षनापं समाजसेवी नरसिंह ब्यञ्जनकार, घःकू नारायण व्यञ्जनकार, ताई महर्जन, बुद्ध महर्जान, श्याम महर्जन, कविन शाक्य, गःछेँ सुखी समाज किपूया नायः रामकुमारी महर्जन, याकःमिसा लक्ष्मीकुमारि महर्जनया उपस्थिति दुगु खः ।

अथे हे उगु इलय् किपू नगरपालिकाया निवर्तमान प्रमुख रमेश महर्जन, यल मनपा ६ वडाअध्यक्ष रुपेन्द्रराज शाक्यलिसें जनप्रतिनिधि, कलाकार कमलेश महर्जन, म्येँ हालामि योगेश्वर अमात्य, किपुलिइ पलिस्था यायेत्यंम्ह बुंगद्यःया मूर्ति दयेकादीम्ह कलाकार रवि शाक्यया नं उपस्थिति दुगु खः ।

थुपिं द्यः कायेगु निंतिं किपूपाखें नेवाः सांस्कृतिक बाजंलिसें करिब स्वसःया ल्याखय् यलय् वःगु खः । उगु इलय् प्रतिनिधि सभा सदस्यय् निर्वाचित विराजभक्त श्रेष्ठ, बागमति प्रदेश सभा सदस्यय् निर्वाचित निरोज वज्राचार्य व रामकृष्ण चित्रकारयात ख्यें सगं बियाः भिंतुना नं देछाःगु खः ।

सम्बन्धित बुखँ

LEAVE YOUR COMMENTS