नेपालय् कोरोना संक्रमितत ७५म्ह थ्यन, नेपालगञ्जय् हानं ६म्हेसित संक्रमण

येँ – नेपालय् कोरोना भाइरसया संक्रमिततय् ल्याः ७५म्ह थ्यंगु दु । थौं न्हिनय् तक ६९म्ह जक संक्रमित जूगु खःसा नेपालगञ्जय् हानं ६म्हेसिके संक्रमण खनेदयेवं थ्व ल्याः अप्वःगु खः । भेरी अस्पताल नेपालगञ्जया प्रयोगशालाय् याःगु परीक्षणया झ्वलय् थप ६म्हेसित संक्रमण जूगु पुष्टि जूगु खः ।

स्वास्थ्य मन्त्रालयया कथं नेपालगञ्ग–८या १६, २१ व ३४दँया मिजं व ४०, ५५ व ६०दँया मिसातय्त संक्रमण जूगु खः । संक्रमित फुक्कसिया स्वास्थ्य अवस्था सामान्य जूगु खँ मन्त्रालयं धाःगु खः ।

थ्वस्वयां न्ह्यः थौं हे नेपालगञ्जय् ९म्ह व वीरगञ्जय् छम्हेसित कोरोनाया संक्रमण जूगु पुष्टि जूगु खः ।