नेकपा सचिवालयया मुँज्या क्वचाल, मेगू मुँज्या वैशाख २० गते
येँ – नेपाल कम्युनिष्ट पार्टी (नेकपा)या सचिवालयया थौंया मुँज्या क्वचाःगु दु ।
प्रधानमन्त्री निवास बालुवाटारय् स्वघौ तक जूगु मुँज्याय् पार्टीया आन्तरिक समस्या लिसें सरकारया नेतृत्व हिलेगु तकंया बारे खँल्हाबंला जूगु खः । प्रधानमन्त्री नापं पार्टी अध्यक्ष केपी शर्मा ओली, मेम्ह अध्यक्ष पुष्पकमल दाहाल ‘प्रचण्ड’ नापं वरिष्ठ नेता माधव कुमार नेपालं थःथःगु अडान कायेवं थौंया मुँज्यां छुं निर्णय यायेमपुगु खः ।
थ्वहे झ्वलय् सचिवालय मुँज्याय् सहलह यायेगु विषयत अझ ल्यँ दनीगुलिं धासें मेगू मुँज्या वैशाख २० गते च्वनीगु निर्णय याःगु दु । मुँज्याय् आःया अवस्थाया बारे सहलह जूगु जानकारी पार्टी प्रवक्ता नारायणकाजि श्रेष्ठं बियादिल ।
‘मुँज्याय् पार्टी दुनेया आन्तरिक समस्या, पार्टी एकता सुदृढीकरणया महत्व, सरकार व पार्टीया दुजःतय्सं माग यानाच्वंगु स्थायी कमिटीया बारे सहलह जुल ।’ प्रवक्ता श्रेष्ठं धयादिल, ‘आः २० गते च्वनीगु मुँज्यां स्थायी कमिटीया मुँज्याया बारे आवश्यक निर्णय याइ ।’
LEAVE YOUR COMMENTS