तुरुन्त स्कुल चायेकेफइगु अवस्था मदु : शिक्षामन्त्री

येँ (रासस) – शिक्षा, विज्ञान तथा प्रविधि मन्त्री गिरिराजमणि पोखरेलं विश्वन्यंकं न्यना वनाच्वंगु कोरोना संक्रमणयात ध्यानय् तयाः वैकल्पिक शैक्षिक विधि छ्यलाः शिक्षणसिकाइ क्रियाकलाप न्ह्याकेमाःगु खँ धयादीगु दु ।

नेपाल राष्ट्रिय शिक्षक संगठन कास्कीं वंगु चैत २२ गते निसें न्ह्याकीगु अनलाइन शिक्षक प्रशिक्षण कार्यक्रमया समापन समारोहय् न्ववासें वय्कलं स्कुल चायेकाः न्हापा थें शिक्षक व विद्यार्थी प्रत्यक्ष उपस्थित जुयाः ब्वंकेगु अवस्था तुरुन्त वइगु अवस्था मदु धासें सिकाइ क्रियाकलाप वैकल्पिक विधिपाखें न्ह्याकेमाःगु खँ धयादीगु दु ।

थ्व झ्वलय् वय्कलं विद्यालय तहया १ निसें ९ तकया अन्तिम परीक्षा क्वचायेधुंकूगु जूसां १०, ११ व १२या परीक्षा जुइमफुगु अवस्थाय् सरकारं गठन याःगु समितिया प्रतिवेदनया आधारय् परीक्षा गुबलय्, गन व गुकथं संचालन यायेगु धयागु निर्णय यायेगु खँ धयादिल ।